إلى ملهمتى مهيـــــــــــــــــــــــرة

لماذا أراك على كل شئ كأنك فى الأرض كل البشر؟؟!
كأنك درب بغير انتهاء و أنى خلقت لهذا السفر؟؟!
إذاكنت أهرب منك إليك فقولى بربك أين المفر؟؟!
فاروق جويدة

الحلوة مصـــــــــــــــر

>> الثلاثاء، 13 مايو 2014


Read more...

عم محمد

>> الأحد، 4 مايو 2014

عم محمد راجل طيب بيبيع الفرحة بإخلاص
شايل هم الدنيا بحالها لكن ما اشتكى يوم للناس
يصحى يلقط رزقه ويقصد رب كريم عالم بالحال
قلبه نضيف ما بيعرف يحسد وبيعشق كل الأطفال
عمره ما فكر في المستقبل سايب روحه لوجه الله
وشه بيضحك لما تشوفه عمرك أبداً ما هتنساه
تسمع منه الحكمة كإنه عالم وفي كل المجالات
عم محمد زيي وزيك ياما اتعلم م الأزمات
لما سألته إيه تتمنى؟؟ قالي: تعاملوني بإحساس
عم محمد راجل طيب بيبيع الفرحة بإخلاص

Read more...

جننوني

>> الثلاثاء، 8 أبريل 2014

جننوني !!
كل ما اجي أبوح برأيي .. يصنفوني
لما قولت النور بيقطع .. أخونوني
لما بترحم عليهم .. عسكروني
والغريبة إن هما يعرفوني
صدقوني ..
لو سافرتم بره مصر هتفهموني
مصر نعمة .. ارحموها وارحموني
مش مبالغة كلامي عنها .. اسمعوني
لما بتكلم عليها .. أرجو منكم تعذروني
أصل مصر أغلى عندي من عيونكم أو عيوني
مهما قولتم .. كلي مصري .. يعني مش هتخوفوني 

Read more...

مصر يا كوباية شاي

>> الجمعة، 28 مارس 2014

مصر يا كوباية شاي حلوة وسكرها زيادة
احترت أوصفها ازاي نعناع مخلوط بسعادة
مع نسمة صبح خفيفة قلبي يرفرف ويغني
وفى موجة بحر لطيفة روحي راح تغرق مني

مصر يا مركب في النيل والليل بيقول موال
عشاق مشوارنا طويل وأنا وأنتي حملنا جبال
لما بتشتكي بسمعلك ليه باشكي متسمعينيش
ياما اتمرمط ف حبك ولا يوم سيبتيني أعيش

مصر يا مدرستي زمان أربعة قاعدين في الدكة
والفصل مافوهش ببان وازاي راح نفتح عكا
وبرغم صعوبة الموقف علشانك أنا ضحيت
وهضحي واضحي وبحلف فاكرك ولا عمري نسيت

Read more...

إلى فقيد معلمي الإسكندرية ومصر الأستاذ/ سامي عبد المنعم


المعلم النهاردة ف مصر صورة
تلقى خط اسود عليها فوق شمال
المعلم للأسف بقى زي كورة
يلعبوا بيها الكبار .. يلعبوا بيها العيال
إيه حيليتنا غير كرامة .. عبده موته جاب أجلها
وانت كل ما تبني طوبة .. تلقى سُبكي جه هدمها
قالوا كادر قالوا أدنى قالوا أعباء الوظيفة
وهم عيشنا فيه تملي أصل تصاريحهم ظريفة
وفي النهاية يموت زميلك وانت دورك بعده جاي
أصلنا في مصر الحبيبة حالنا أصعب م الخيال
المعلم النهاردة ف مصر صورة
تلقى خط اسود عليها فوق شمال

Read more...

ضميني يا أمي


Read more...

إلى من فاقت خيالي


Read more...

Seguidores

    © ذو المهيــــــــــــــــــــــــــرتين. Friends Forever Template by Emporium Digital 2009

Back to TOP