عم محمد
>> الأحد، 4 مايو 2014
شايل هم الدنيا بحالها لكن ما اشتكى يوم للناس
يصحى يلقط رزقه ويقصد رب كريم عالم بالحال
قلبه نضيف ما بيعرف يحسد وبيعشق كل الأطفال
عمره ما فكر في المستقبل سايب روحه لوجه الله
وشه بيضحك لما تشوفه عمرك أبداً ما هتنساه
تسمع منه الحكمة كإنه عالم وفي كل المجالات
عم محمد زيي وزيك ياما اتعلم م الأزمات
لما سألته إيه تتمنى؟؟ قالي: تعاملوني بإحساس
عم محمد راجل طيب بيبيع الفرحة بإخلاص
الاشتراك في:
الرسائل (Atom)