مصر يا كوباية شاي

مصر يا كوباية شاي حلوة وسكرها زيادة
احترت أوصفها ازاي نعناع مخلوط بسعادة
مع نسمة صبح خفيفة قلبي يرفرف ويغني
وفى موجة بحر لطيفة روحي راح تغرق مني

مصر يا مركب في النيل والليل بيقول موال
عشاق مشوارنا طويل وأنا وأنتي حملنا جبال
لما بتشتكي بسمعلك ليه باشكي متسمعينيش
ياما اتمرمط ف حبك ولا يوم سيبتيني أعيش

مصر يا مدرستي زمان أربعة قاعدين في الدكة
والفصل مافوهش ببان وازاي راح نفتح عكا
وبرغم صعوبة الموقف علشانك أنا ضحيت
وهضحي واضحي وبحلف فاكرك ولا عمري نسيت

Read more...

إلى فقيد معلمي الإسكندرية ومصر الأستاذ/ سامي عبد المنعم

المعلم النهاردة ف مصر صورة
تلقى خط اسود عليها فوق شمال
المعلم للأسف بقى زي كورة
يلعبوا بيها الكبار .. يلعبوا بيها العيال
إيه حيليتنا غير كرامة .. عبده موته جاب أجلها
وانت كل ما تبني طوبة .. تلقى سُبكي جه هدمها
قالوا كادر قالوا أدنى قالوا أعباء الوظيفة
وهم عيشنا فيه تملي أصل تصاريحهم ظريفة
وفي النهاية يموت زميلك وانت دورك بعده جاي
أصلنا في مصر الحبيبة حالنا أصعب م الخيال
المعلم النهاردة ف مصر صورة
تلقى خط اسود عليها فوق شمال

Read more...

ضميني يا أمي

Read more...

إلى من فاقت خيالي

Read more...

يا دوب إنسان

Read more...

ذكريات بحرية

التالته هيه سريتنا
ومصر هيه حبيبتنا
و احنا جنود البحرية
بنغنى قوى من فرحتنا
*************
أول يومين اتكدرنا
ولا صف ظابط قدرنا
و زحفنا بهدومنا الملكى
من جوه كلنا عيطنا
************
شبراوى نادى على دسوقى
و سعد قال إمتى تروقى
يا دنيا إصفى عشان خطرى
واللا انتى بقى مش دنيتنا
***************
و نادى إسلام على زيزو
قال يللا باهر هنغيظه
وعلاء حكمدار التالته
حسبينه من ضمن اخواتنا
***************
هيكل سادات ندا جودزيلا
صبرى و شريف و إيهاب شلة
سته استعد يا عنتر بيه
باين على ايديك أخرتنا
**************
بين معتدل مارش يا حلوين
صفا وانتباه ثابت واقفين
هتناموا بدرى يا محترمين
لو قمنا كلنا وسكتنا
************
شيخ حسنى قال يللا يا أحباب
هنصلى ننسى أى عذاب
خليك يا بندق كده ع الباب
لا ييجى صول يخرب بيتنا
****************
الديب وقف قدام الميز
وقال ده أكل جميل ولذيذ
و زين وقف ومعاه ماكوة
و أحمد حسن من حتتنا
**************
هيثم مهند وعليوه
و العشرى واد بس حليوه
و فريد ده واد جينتل مصرى
عبدالله بيه من شلتنا
************
عبد السلام أعمال سيما
و الكوسة ما بقيتش جريمة
صلاح ده أستاذ متمكن
و أحمد سويسى ريحانتنا
***************
كيمو كان تخين جدا مليان
كان لما يمشى يسد ببان
يرحم زمان وليالى زمان
بقى ورقة طايرة فى سكتنا
****************
ابو العزايم راح قايم
و هانى فى الخدمة اهو نايم
و هيمة يوم الاتنين صايم
فى الجمعة نغسل هدمتنا
**************
كابتن صابر بص لسمعه
و قاله كل الناس جامعه
كل السرية كانت سامعه
و ف لحظة خالد كروتنا
***************
من صغره ياسر واد خفه
من يوم ما كان جوه اللفه
إمتى نشوفك فى الزفة
ونغنى على حريتنا
***********
سيد و مزمل عوده
تايسن و مختار وده حوده

و تونى و محمد يونس
وناس كتير من دفعتنا
*************
ح الصول محمد نصر يا ناس
إنسان عظيم طيب حساس
ريس محمد سعد كمان
زينة شبابنا وعترتنا
************
إحنا ضفادع بشرية
من يومنا ما لمسناش ميه
و الإسم قوات بحرية
شوفتم يا عالم مصيبتنا
**************
إمتى هنرجع لديارنا
وحشتنا جدا سرايرنا
فات الكتير ياما صبرنا
و مسيرنا نرجع لبيوتنا..
***************

Read more...