ذكريات بحرية
التالته هيه سريتنا
ومصر هيه حبيبتنا
و احنا جنود البحرية
بنغنى قوى من فرحتنا
*************
أول يومين اتكدرنا
ولا صف ظابط قدرنا
و زحفنا بهدومنا الملكى
من جوه كلنا عيطنا
************
شبراوى نادى على دسوقى
و سعد قال إمتى تروقى
يا دنيا إصفى عشان خطرى
واللا انتى بقى مش دنيتنا
***************
و نادى إسلام على زيزو
قال يللا باهر هنغيظه
وعلاء حكمدار التالته
حسبينه من ضمن اخواتنا
***************
هيكل سادات ندا جودزيلا
صبرى و شريف و إيهاب شلة
سته استعد يا عنتر بيه
باين على ايديك أخرتنا
**************
بين معتدل مارش يا حلوين
صفا وانتباه ثابت واقفين
هتناموا بدرى يا محترمين
لو قمنا كلنا وسكتنا
************
شيخ حسنى قال يللا يا أحباب
هنصلى ننسى أى عذاب
خليك يا بندق كده ع الباب
لا ييجى صول يخرب بيتنا
****************
الديب وقف قدام الميز
وقال ده أكل جميل ولذيذ
و زين وقف ومعاه ماكوة
و أحمد حسن من حتتنا
**************
هيثم مهند وعليوه
و العشرى واد بس حليوه
و فريد ده واد جينتل مصرى
عبدالله بيه من شلتنا
************
عبد السلام أعمال سيما
و الكوسة ما بقيتش جريمة
صلاح ده أستاذ متمكن
و أحمد سويسى ريحانتنا
***************
كيمو كان تخين جدا مليان
كان لما يمشى يسد ببان
يرحم زمان وليالى زمان
بقى ورقة طايرة فى سكتنا
****************
ابو العزايم راح قايم
و هانى فى الخدمة اهو نايم
و هيمة يوم الاتنين صايم
فى الجمعة نغسل هدمتنا
**************
كابتن صابر بص لسمعه
و قاله كل الناس جامعه
كل السرية كانت سامعه
و ف لحظة خالد كروتنا
***************
من صغره ياسر واد خفه
من يوم ما كان جوه اللفه
إمتى نشوفك فى الزفة
ونغنى على حريتنا
***********
سيد و مزمل عوده
تايسن و مختار وده حوده
و تونى و محمد يونس
وناس كتير من دفعتنا
*************
ح الصول محمد نصر يا ناس
إنسان عظيم طيب حساس
ريس محمد سعد كمان
زينة شبابنا وعترتنا
************
إحنا ضفادع بشرية
من يومنا ما لمسناش ميه
و الإسم قوات بحرية
شوفتم يا عالم مصيبتنا
**************
إمتى هنرجع لديارنا
وحشتنا جدا سرايرنا
فات الكتير ياما صبرنا
و مسيرنا نرجع لبيوتنا..
***************
Read more...
ومصر هيه حبيبتنا
و احنا جنود البحرية
بنغنى قوى من فرحتنا
*************
أول يومين اتكدرنا
ولا صف ظابط قدرنا
و زحفنا بهدومنا الملكى
من جوه كلنا عيطنا
************
شبراوى نادى على دسوقى
و سعد قال إمتى تروقى
يا دنيا إصفى عشان خطرى
واللا انتى بقى مش دنيتنا
***************
و نادى إسلام على زيزو
قال يللا باهر هنغيظه
وعلاء حكمدار التالته
حسبينه من ضمن اخواتنا
***************
هيكل سادات ندا جودزيلا
صبرى و شريف و إيهاب شلة
سته استعد يا عنتر بيه
باين على ايديك أخرتنا
**************
بين معتدل مارش يا حلوين
صفا وانتباه ثابت واقفين
هتناموا بدرى يا محترمين
لو قمنا كلنا وسكتنا
************
شيخ حسنى قال يللا يا أحباب
هنصلى ننسى أى عذاب
خليك يا بندق كده ع الباب
لا ييجى صول يخرب بيتنا
****************
الديب وقف قدام الميز
وقال ده أكل جميل ولذيذ
و زين وقف ومعاه ماكوة
و أحمد حسن من حتتنا
**************
هيثم مهند وعليوه
و العشرى واد بس حليوه
و فريد ده واد جينتل مصرى
عبدالله بيه من شلتنا
************
عبد السلام أعمال سيما
و الكوسة ما بقيتش جريمة
صلاح ده أستاذ متمكن
و أحمد سويسى ريحانتنا
***************
كيمو كان تخين جدا مليان
كان لما يمشى يسد ببان
يرحم زمان وليالى زمان
بقى ورقة طايرة فى سكتنا
****************
ابو العزايم راح قايم
و هانى فى الخدمة اهو نايم
و هيمة يوم الاتنين صايم
فى الجمعة نغسل هدمتنا
**************
كابتن صابر بص لسمعه
و قاله كل الناس جامعه
كل السرية كانت سامعه
و ف لحظة خالد كروتنا
***************
من صغره ياسر واد خفه
من يوم ما كان جوه اللفه
إمتى نشوفك فى الزفة
ونغنى على حريتنا
***********
سيد و مزمل عوده
تايسن و مختار وده حوده
و تونى و محمد يونس
وناس كتير من دفعتنا
*************
ح الصول محمد نصر يا ناس
إنسان عظيم طيب حساس
ريس محمد سعد كمان
زينة شبابنا وعترتنا
************
إحنا ضفادع بشرية
من يومنا ما لمسناش ميه
و الإسم قوات بحرية
شوفتم يا عالم مصيبتنا
**************
إمتى هنرجع لديارنا
وحشتنا جدا سرايرنا
فات الكتير ياما صبرنا
و مسيرنا نرجع لبيوتنا..
***************
مصر يا كوباية شاي
>> الثلاثاء، 24 يناير 2012
مصر يا كوباية شاي حلوة وسكرها زيادة
احترت أوصفها ازاي نعناع مخلوط بسعادة
مع نسمة صبح خفيفة قلبي يرفرف ويغني
وفى موجة بحر لطيفة روحي راح تغرق مني
مصر يا مركب في النيل والليل بيقول موال
عشاق مشوارنا طويل وأنا وأنتي حملنا جبال
لما بتشتكي بسمعلك ليه باشكي متسمعينيش
ياما اتمرمط ف حبك ولا يوم سيبتيني أعيش
مصر يا مدرستي زمان أربعة قاعدين في الدكة
والفصل مافوهش ببان وازاي راح نفتح عكا
وبرغم صعوبة الموقف علشانك أنا ضحيت
وهضحي واضحي وبحلف فاكرك ولا عمري نسيتمحمد مختار
مش هنخاف
>> الخميس، 29 ديسمبر 2011
اكدب اسرق زيف واضرب
مش هنخاف لو حتى هتغضب
دمر زور عور واقتل
بكرة ف كاس المر هتشرب
اكدب اسرق زيف واضرب
احمي الخاين وابن الكلب
وزع جايزة رصاص في القلب
واضحك ع العالم بالكدب
وابقى قابلني فين راح تهرب
بكرة ف كاس المر هتشرب
لو بصحيح عايز تحميني
ارفع راسي مش تأذيني
بالأفعال بس هترضيني
أسف أصل رصيدك شطب
بكرة ف كاس المر هتشرب
محمد مختار
شوفتوا الخيبة
>> الجمعة، 23 ديسمبر 2011
شوفتوا الخيبة يا خلق يا هوه
مصري بيضرب مصري أخوه
واللي محايد فيهم ساكت
يلعن غيره بأمه وأبوه
شوفتوا الخيبة يا خلق يا هوه
اللي يخالف رأيه .. عميل
واللي يدافع عنه .. دخيل
والاتنين شربوا من النيل
واما اتكلم قاموا سحلوه
شوفتوا الخيبة يا خلق يا هوه
مش متخيل مش معقول
شهدا كتير .. فاعل مجهول
طب بالمنطق مين مسئول
واللا لصالح مين خبوه
شوفتوا الخيبة يا خلق يا هوه
يا اولاد مصر بلدنا ف أزمة
انسوا خلافنا اللي ملوش لازمة
نفسي نرجع تاني البسمة
وحقنا يرجع م اللي خدوه
شوفتوا الخيبة يا خلق يا هوه
محمد مختار
متلخبط
>> الخميس، 22 ديسمبر 2011
مش فاهم مش عارف متلخبط قوي خايف
عايز ابكي ومش قادر ومفتح مش شايف
بتكلم بتلعثم وايديا بتتكتف
بتفرج بتألم على عالم بتزيف
يا بلادي يا حبيبتي أنا ليكي بتأسف
مش قادر أعملك ولا حاجة أنا أسف
مش فاهم مش عارف متلخبط قوي خايف
*********************************
أتكلم واللا اسكت واللا اصرخ ما تقولي
أنا بجد مشتت ودلوقتي فضولي
وقربت اتجنن
وفي عنيكي بدندن
بأجمل أغنية نطقتها شفايف
مش فاهم مش عارف متلخبط قوي خايف
*********************************
هدعيلك من قلبي تعدي من الفتنة
وادعيلي يا بلادي أرجعلك م الغربة
وتاخديني ف حضنك
وأحققلك أملك
يا مصر أنا ف قربك سكر وانتى قطايف
مش فاهم مش عارف متلخبط قوي خايف
محمد مختار
احلقوا شنباتكو يا رجالة
>> الاثنين، 19 ديسمبر 2011
احلقوا شنباتكو يا رجالة
رجولتنا خدت أمر إزالة
ضربوها وعروها قصادنا
واحنا بنتفرج ع الحالة
احلقوا شنباتكو يا رجالة
ضربوها بشومة وجت في الراس
من غير ولا رحمة ولا إحساس
زي المدبوحة ف وسط الناس
فين صوتك .. صوّتي يا عدالة
احلقوا شنباتكوا يا رجالة
عروها وعرونا معاها
ولا حدش قال أبقى فداها
وازاي راح نقدر ننساها
دي جميلة بوحريد مش محتالة
احلقوا شنباتكو يا رجالة
شاطرين ف الكورة و ف السيما
وكلامنا نميمة في نميمة
وكبيرنا أغنية عظيمة
والله وعملوها الرجالة
احلقوا شنباتكو يا رجالة
محمد مختار
الاشتراك في:
الرسائل (Atom)