ذنبي مصري
>> السبت، 17 ديسمبر 2011
هوه ذنبى انى مصري وشلت إسمك
تعملى فيا كده وأنا ابن بطنك
بتدوسيني وتقتليني
ومن حنانك تحرميني
دانتى جوه نن عيني
قولي امتى ما شلت همك
هوه ذنبي اني مصري وشلت إسمك
طب يا ريتنى ما كنت مصري ولا انتى بلدي
ياللى عمر ما كنتى حاسة وعارفة قصدي
كل ما احلم تصدميني
آجي أنطق تكتميني
لأ وراضية تعذبيني
طب هقولك .. عذبيني تحت أمرك
أصل ذنبي إني مصري وشلت إسمك
0 التعليقات:
إرسال تعليق